.png)
Gazeta Si – Komisioni i Dhomës së Përfaqësuesve të SHBA që heton sulmin në Kapitol Hill më 6 janar 2021, arriti në përfundimin se presidenti i atëhershëm Donald Trump dhe mbështetësit e tij u përpoqën “të pengonin ilegalisht Kongresin që të numëronte votat elektorale duke komplotuar për të mashtruar shtetet”.
Kjo është bërë e ditur nga faqja e internetit në SHBA, “Politico”, ku thuhet se rezultatet e hetimit janë dërguar në Gjykatën Federale.
Sipas hetimit, Trump ka thyer “disa ligje për të penguar Kongresin që të vërtetojë humbjen e tij”.
Sipas Komisionit që hetonte sulmin e 6 janarit, ish-presidenti Trump dhe avokati i tij John Eastman, donin që nëpërmjet një “komploti kriminal”, të përmbysnin rezultatin e zgjedhjeve presidenciale të vitit 2020, të fituara nga Biden.
Dërgimi i rezultateve të hetimit në një gjykatë federale është pjesë e përpjekjes së Komisionit për të fituar akses në emailet e avokatit që pretendoi sekret profesional.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje