.png)
Gazeta Si – Dy policë francezë qëlluan dhe vranë një burrë, i cili mëngjesin e kësaj të hëne, rreth orës 7, kishte kërcënuar disa oficerë pranë stacionit të trenit Gare du Nord në Paris me një thikë me teh rreth 30 centimetra.
Ministri i Brendshëm Gérald Darmanin shkroi në Twitter se “një patrullë policie u kërcënua nga një individ i armatosur me thikë në rajonin Ile-de-France” dhe se agjentët “përdorën armën e tyre për të shmangur çdo rrezik për veten dhe për udhëtarët”.
#Garedunord pic.twitter.com/b9SbdYbHSJ
— Tristan Baudenaille (@TristanBdnl) February 14, 2022
Ministri i Transportit Jean-Baptiste Djebbari tha për “Rmc” se sulmuesi ishte “i njohur për shërbimet e policisë.
Mediat franceze raportojnë se motivi terrorist është i përjashtuar”. Sipas dëshmitarëve, i dyshuari ka kërcënuar për disa minuta oficerët, të cilët e kanë urdhëruar të heqë armën. Mes agjentëve nuk ka viktima.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje