.png)
Pak ditë më parë, ish-deputetja demokrate, Jorida Tabaku deklaroi se rindërtimi i shkollës ‘Sami Frashëri” do të kushtojë mbi 4.5 mln euro.
Paralelisht, kryebashkiaku Erion Veliaj doli para mediave duke lajmëruar fillimin e punimeve dhe bërë publik projektin e shkollës.
Të hënën Jorida Tabaku ishte sërish tek gropa ku do të ngrihet shkolla për të treguar se aty punime nuk ka.
“Shkolla ‘Sami Frashëri’ është shembulli më i mirë se si punojnë e mendojnë, se si e konsiderojnë pronën private dhe atë publike si çiflig të tyre, se si manipulojnë shqiptarët përpara kamerave duke gënjyer se punohet dhe sapo ato fiken puna ndalon. E gjitha në funksion të mbulimit të vjedhjes së taksave të shqiptarëve.
Betejën mes propagandës dhe fakteve e fiton gjithmonë e dyta, pasi tregon të vërtetën. Asnjë regji qendrore apo video 3D nuk mund të ç’bëjë të vërtetën se tek shkolla ‘Sami Frashëri’ nuk punohet.
Fadromat ndizen vetëm kur i nevojiten manipulatorit Veliaj për të bërë foto. Pamjet që shihni tregojnë se as në zonën e bllokut “5 Maji” nuk punohet ndonëse kryemanipulatori Rama e transmetoi live në televizionin e tij privat se po ndërtohet”, tha ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje