.png)
Talibanët kanë paralajmëruar Perëndimin se do të ketë “pasoja” nëse Shtetet e Bashkuara dhe aleatët e saj zgjasin praninë e trupave në Afganistan përtej javës së ardhshme, ndërsa kaosi vazhdon të pushtojë aeroportin e Kabulit.
Komentet u bënë pasi një përleshje zjarri midis disa personave të armatosur dhe disa oficerëve amerikanë, gjermanë dhe afganë në aeroport ku ka një të vrarë dhe tre të plagosur, duke nxjerrë në pah situatën e brishtë të sigurisë rreth vendit dhe në të gjithë kryeqytetin.
Përleshja, e cila u zhvillua pak pas orës 7 të mëngjesit, në portën veriore të aeroportit, filloi kur ish -forcat afgane të sigurisë, të cilat veprojnë si roje, shkëmbyen zjarr me personat e armatosur. Pastaj forcat gjermane dhe amerikane u përfshinë.
Situata u bë edhe më e tensionuar pasi forcat speciale franceze hynë në Kabul për të përcjellë rreth 260 afganë që punonin për BE në aeroport.
“Nëse SHBA -ja ose Britania e Madhe do të kërkonin kohë shtesë për të vazhduar evakuimet – përgjigja është jo. Do të kishte pasoja, “tha të hënën zëdhënësi i talebanëve Suhail Shaheen. Qëndrimi përtej afatit të dakorduar më 31 gusht do të ishte “zgjatje e okupimit”, shtoi ai.
Sipas talebanëve, forcat e huaja nuk kanë kërkuar të shtyjnë afatin për të lënë vendin, pavarësisht deklaratave të presidentit amerikan, Joe Biden, se trupat amerikane mund të qëndrojnë më gjatë për të mbikëqyrur evakuimin “e vështirë dhe të dhimbshëm”.
Ministri i Jashtëm gjerman Heiko Maas deklaroi nga ana tjetër se udhëheqësit e vendeve të “G7” duhet të koordinojnë përpjekjet e evakuimit nga aeroporti i Kabulit dhe të marrin në konsideratë nëse ato duhet të vazhdojnë përtej afatit të 31 gushtit të përcaktuar nga Shtetet e Bashkuara.
Maas u tha gazetarëve se diskutimet kishin filluar midis Gjermanisë, SHBA -së, Turqisë dhe talebanëve me qëllim “lehtësimin e një operacioni civil të aeroportit të Kabulit për të mundësuar evakuimin e njerëzve përtej 31 gushtit“, por lajmi u mohua nga talebanët.
Megjithatë, ai theksoi se aeroporti do të mbahej i hapur pas 31 gushtit vetëm nëse siguria mund të garantohej.
Situata në aeroport po bëhet më kaotike, vuri në dukje Maas, pasi një përleshje zjarri shpërtheu midis njerëzve të armatosur të paidentifikuar, forcave perëndimore të sigurisë dhe rojeve afgane në hyrjen veriore të hënën, duke rezultuar në vdekjen e një ushtari afgan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje