.png)
Gazeta Si – Tre persona janë ekstraduar nga Greqi dhe Italia drejt Shqipërisë mëngjesin e kësaj të enjteje.
Si rezultat i bashkëpunimit mes Shqipërisë dhe Interpol Romës është ekstraduar në Tiranë, Ilir Duro, i cili ishte dënuar me burg nga GJKKO për veprat penale ‘’Prodhimi dhe shitja e narkotikëve’’, ‘’Grupi i strukturuar kriminal’’ dhe ‘’Kryerja e veprave penale nga grupi i strukturuar kriminal’’.
Policia thotë se 51-vjeçari dyshohet se ka qenë pjesë e një grupi kriminal që merrej me shitjen dhe trafikimin e lëndëve narkotike.
Po ashtu, u ekstradua nga Italia drejt vendit tonë, 21-vjeçari, Luis Shkira, i cili ishte dënuar me burg nga Gjykata e Pogradecit për trafik droge nga Shqipëria drejt Maqedonisë së Veriut.
Ndërsa nga Greqia u ekstradua Paulin Peci i shpallur në kërkim nga gjykata e Përmetit për veprën penale ‘vjedhje me dhunë’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje