.png)
Sot zhvillohet seanca e radhës plenare në Parlament, ndërsa të rinjtë opozitarë të FRPD-së dhe LRI-së mbajtën një protestë simbolike para godinës. “Bashkimi Europian refuzon kryeministrin Edi Rama”, thanë të rinjtë. Dhe për të përçuar këtë mesazh, 28 të rinj të dy forumeve politike në mënyrë simbolike kanë veshur bluzën e secilit vend anëtar, ndërsa i tregojnë kryeministrit kartonin e kuq, duke nënkuptuar sipas tyre refuzimin e hapjes së negociatave.
Këtyre të rinjve u është bashkuar edhe kandidati i PD-së, Indrit Hoxha, i cili sot refuzoi të marrë mandatin e deputetit. Hoxha shprehet se e ka ndërmarrë këtë akt politik si shenjë revolte dhe neverie ndaj parlamentit ilegjitim.
Ndërkohë, kryedemokrati Basha ka paralajmëruar protestë kombëtare më 11 maj para Kryeministrisë në orën 18:00, të cilën e cilëson si kulmim të betejës dhe kauzës së opozitës për një Shqipëri europiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje