.png)
Gazeta Si – Të paktën dy persona humbën jetën dhe një tjetër u plagos nga të shtënat në kishën episkopale të Shën Stefanit në Vestalia Hill, Alabama, SHBA.
Këtë e ka bërë të ditur policia, duke thënë se sulmuesi është kapur dhe se në zonë nuk ka kërcënime të mëtejshme.
“Tre persona në kishën ipeshkvore St.Stefan u goditën me plumba”, tha policia e Vestavia Hills në faqen e saj në Facebook.
Të shtënat ndodhën para kishës pak pas orës 18:00 me orën lokale, gjatë një “potluck”, një vakt komunitar në të cilin të gjithë sjellin një pjatë.
Policia tha se sulmuesi hyri vetë në kishë dhe filloi të qëllonte, duke goditur gjithsej tre persona.
“Është tronditëse. Ne po marrim mesazhe nga i gjithë vendi”, tha Reverend Kelley Hudlow i Dioqezës së Alabamës.
Shtetet e Bashkuara janë përballur së fundmi me disa sulme me armë zjarri. Më 14 maj u vranë dhjetë afrikano-amerikanë në një dyqan ushqimor në Bufallo të Nju Jorkut.
Një javë më pas, një sulmues vrau 19 fëmijë dhe dy të rritur në një shkollë fillore në Uvalde të Teksasit.
Të shtunën, më 11 qershor, mijëra persona në Uashington u mblodhën duke kërkuar masa më të rrepta për kontrollin e armëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje