.png)
Gjykata Kushtetuese zhvillon sot seancën e tretë plenare në lidhje me padinë e dorëzuar nga Presidenti i Republikës kundër ligjit që shembi godinën e vjetër të Teatrit Kombëtar.
Në seancën e parë, Kushtetuesja pranoi kërkesën e Presidencës për zgjerim të objektit të hetimit dhe pranimin e provave të reja, ndërsa në seancën e së martës i tërhoqi vërejtje si Presidencës, ashtu edhe Qeverisë për shkelje të afateve në dorëzimin e dokumentacionit ekstra në shqyrtimin e kësaj padie.
“I dhamë kohë qeverisë për të sjellë dokumente. Nuk i sollën në afatet e përcaktuara nga Gjykata. Edhe Presidencës ia kemi përcjellë jashtë afatit. Tërheqim vëmendjen e të gjithëve për mosrespektimin e afateve”, thanë gjyqtarët.
Presidenca u justifikua se nuk ka administruar nga institucionet e tjera shtetërore të gjitha provat e kërkuara.
Presidenti kërkon shpalljen si antikushtetues të vendimin për prishjen e teatrit si dhe pezullimin e veprimeve të mëtejshme për të ndërtuar godinën e re. Seanca e sotme nisi në orën 10:00.
Godina e Teatrit Kombëtar u shemb më 17 maj të vitit të kaluar në orët e para të mëngjesit, në një kohë që vendi ishte nën masat kufizuese të grumbullimeve për shkak të Covid-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje