.png)
Nuk do të ketë turne tenisi deri në fund të muajit korrik, si te meshkujt, ashtu edhe te femrat. Shoqata e Tenisit Profesionist (ATP) vendosi që pezullimi i aktiviteteve ndërkombëtare të vazhdojë deri më 31 korrik.
Andrea Gaudenci, presidenti i ATP-së, ka bërë me dije zyrtarisht se veprimtaritë do të vazhdojnë të jenë të pezulluara. “Për shkak të paqartësive të vazhdueshme në lidhje me pandeminë e Kovid-19, me keqardhje duhet të njoftojmë se vendimi ynë është për ta shtyrë pezullimin e turneve deri më 31 korrik”, – tha Gaudenci.
Në të njëjtën linjë janë edhe drejtuesit e tenisit të femrave (WTA). Edhe turnetë e tenisit për femra do të mbeten të bllokuara të paktën deri në fund të korrikut. Më parë janë anuluar disa nga turnetë më të rëndësishëm të tenisit botëror, por, me sa po duket, situata nuk po përmirësohet ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje