.png)
Zikaltrit po mendojnë të formulojnë një propozim prej 15 milionë eurosh plus kartonin e Aleksis Sançezit, për ta bërë kështu italianin një blerje “low-cost”, që do t’u leverdiste financave të klubit.
Por një gjë e tillë nuk përfshihet aspak në planet e napolitanëve që nga ana e tyre kërkojnë 30 milionë euro për ta lënë të lirë Insinjen dhe që për më tepër nuk janë të gatshëm të presin në ekip kilianin Sançez, rroga prej 7 milionë euro e të cilit është e paimagjinueshme për De Laurentisin.
Në këto kushte, Interi mund të detyrohet të presë, sepse nuk do në asnjë mënyrë të investojë aq shumë për 30- vjeçarin, duke pasur parasysh se mund të tentojë të firmosë me të në janar apo verën e ardhshme me parametër zero.
OFERTA PËR FUTBOLLISTIN
Me Insinjen nuk do të jetë e vështirë të gjendet akordi. Siç raporton “Corriere dello Sport”, lojtari do të binte dakord me kontratën 4-vjeçare me 6 milionë euro në sezon, që pritet t’i ofrojë Interi.
Për sulmuesin do të shkojnë edhe fitimet nga të drejtat e imazhit, ndërsa në rast se transferimi do të ndodhë verën e ardhshme, pra Interi nuk do të ketë detyrime ndaj Napolit, për futbollistin shifrat do të arrinin 31 milionë euro në total për katër vite, ku 7 prej tyre do të paguheshin që në momentin e firmës dhe 24 të tjerat gjatë viteve të tij si zikaltër.
Këto shifra Insinje do t’i pranonte me kënaqësi, aq më tepër që Interi është skuadra e cila më së shumti po këmbëngul për shërbimet e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje