.png)
Gazeta Si – Haki Bajrami, i kërkuar për akuzën e vrasjes në rrethana cilësuese të mbetur në tentativë, u vetëdorëzua këtë të martë, pasi kaloi kufirin fshehtas nga Kosova dhe hyri në Shqipëri.
50 vjeçari nga Peja e Kosovës hodhi akuza për ngjarjen e Llakatundit, aty ku ai akuzohet se dogji banesën e ish-partneres, me të cilën i kërkuari është bërë baba i një djali dy vjeç.
Gjykata e Shkallës së Parë Vlorë i ka caktuar masën e sigurisë “Arrest në burg”, për veprat penale “Vrasja në rrethana të tjera cilësuese ndaj një të mituri dhe kundër dy ose më shumë personave”, mbetur në tentativë dhe “Shkatërrimi i pronës me zjarr”, të kryera në bashkëpunim.
Haki Bajrami dyshohet se më datë 29.04.2023, në bashkëpunim me shtetasin Gëzim Bacajn (i arrestuar më parë), kanë tentuar të vrasin shtetasen e moshuar L. F. dhe nipin e saj të mitur (ish-vjehrra dhe thjeshtri i shtetasit Haki Bajrami), duke i dhunuar ata dhe duke i vënë qëllimisht zjarrin banesës ku ndodheshin këta 2 shtetas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje