.png)
Dy persona janë arrestuar nga policia, pasi mëngjesin e së shtunës tentuan që të vjedhin një bankomat të një banke të nivelit të dytë.
Policia bën me dije se në orët e para të mëngjesit të datës 26 janar, E. A. 31 vjeç dhe F. L. 35 vjeç, të dy banues në Bulqizë dhe të dënuar më parë për vjedhje tentuan të vjedhin bankomatin.
Ata ishin të maskuar, ndërsa po tentonin të thyenin bankomatin me sende të forta për të marrë shumën e parave. Por, edhe pse kanë dëmtuar bankomatin ata nuk kishin mundur që të merrnin asnjë qindarkë.
Ngjarja ka ndodhur në “Lagjen e Re” Bulqizë, ndërsa policia ka ndërhyrë pas informacionit, duke i identifikuar dhe prangosur.
Materialet hetimore i kaluan Prokurorisë Dibër për veprën penale “Vjedhje e bankave dhe arkave të kursimit”, kryer në bashkëpunim e mbetur në tentativë, parashikuar nga nenet 136/2 e 25 22 të Kodit Penal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje