.png)
Në moshën 36-vjeçare është tërhequr nga futbolli i luajtur Havier Maskerano, një nga futbollistët më të fortë të viteve të fundit me Argjentinën, Liverpulin dhe Barcelonën. Mesfushori, i njohur për grintën e tij në fushë, ka fituar gjithçka në nivel klubesh.
Havier Maskerano është shpallur 5 herë kampion i Spanjës me fanellën e Barcelonës, ka fituar 2 Liga Kampionësh, 2 Botërorë Klubesh, 2 medalje të arta në Olimpiada me Argjentinën, po ashtu ka fituar titullin kampion edhe në Argjentinë dhe në Brazil. Shkëlqimin e ka pasur në radhët e Barcelonës, ku ka luajtur në mesfushë dhe në mbrojtje. Ka pasur edhe një aventurë të shkurtër në Kinë.
“Nëse do të shkoja në luftë me tre persona, Maskerano do të ishte i pari, për dy të tjerët të shohim”, – ka thënë Masimo Marianela, një nga gazetarët më të njohur të sportit në Itali. Së fundi Maskerano luajti me Estudiantes në Argjentinë, tani ka varur “këpucët në gozhdë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje