.png)
Një tërmet me magnitudë 8.2 ballë u regjistrua në Gadishullin e Alaskës. Shërbimi Gjeologjik Amerikan, raportoi se tërmeti goditi 56 milje (91 kilometra) në lindje dhe në juglindje të Perryville, Alaska.
Lëkundje të tjera – përfshirë dy me madhësi më të madhe se 6 – goditën në të njëjtën zonë pas disa minutave. Për momentin nuk ka dëme apo të lënduar.
Epiqendra e tërmetit u vendos në një thellësi prej 46.7 km. Shërbimi Kombëtar i Motit i SHBA-ve, ka lëshuar një paralajmërim për një “kërcënim të mundshëm të cunamit” mbi Alaskën Jugore dhe Guam. Në një moment u raportua edhe për Hawaiin, por më pas alarmi u tërhoq.
“Bazuar në të dhënat e disponueshme”, thotë Qendra Kombëtare e Paralajmërimit të Cunamit të Paqësorit, “asnjë kërcënim” nuk paraqitet për arkipelagun.
Guvernatori i Alaskës, Mike Dunleavy, ka alarmuar qendrën e operacioneve që merret me emergjencat në shtet. Kanadaja, Japonia dhe Zelanda e Re po monitorojnë situatën dhe janë të gatshëm të japin një paralajmërim për cunami nëse është e nevojshme.
Më 27 mars 1964, një tërmet me magnitudë 9.2, më i fuqishmi i regjistruar ndonjëherë në botë, goditi rajonin Anchorage, duke shkaktuar 250 viktima.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje