Thaçi firmos dekretin e gjendjes së jashtëzakonshme, por Kurti është kundër

Presidenti Hashim Thaçi, ka nënshkruar sot një dekret për shpalljen e gjendjes të jashtëzakonshme në Kosovë për shkak të rritjes së numrit të të infektuarve nga koronavirusi.

“Bazuar në detyrat e mia kushtetuese si President, pas takimit të sotëm me Këshillin e Sigurimit të Kosovës, kam nënshkruar një dekret për të shpallur gjendjen e jashtëzakonshme si pasojë e situatës së krijuar nga shpërthimi i COVID19”, ka shkruar Thaçi në “Twitter”.

Based on my constitutional duties as President, after tonight’s meeting w/ the Security Council of Kosovo, I signed a decree to declare the State of Emergency amid the situation created by the #COVID19 outbreak. I call on the Parliament to get united & to ratify it. pic.twitter.com/yrXZgWXMQT

— Hashim Thaçi (@HashimThaciRKS) March 17, 2020

Thaci propozoi shpalljes e gjendjes së jashtëzakonshme të martën në mbrëmje, gjatë një konference shtypi, duke sfiduar kështu vullnetin e qeverisë së Albin Kurtit.

Gjatë një konference zëdhënësi i kryeministrit të  Kosovës e quajti propozimin e Thaçit një masë ekstreme dhe të panevojshme.

Për të hyrë në fuqi, dekreti i presidentit duhet të votohet nga dy të tretat e deputetëve të Kuvendit të Kosovës dhe për aq kohë sa dy partitë qeveritare LDK dhe Vetëvendosje janë kundër, ai nuk ka gjasa të kalojë.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---