.png)
Pavarësisht aktit normativ për mbylljen e lokaleve të natës, një subjekt në Durrës vazhdonte aktivitetin dhe për pasojë është gjobitur nga policia.
Gjoba i është vënë shtetasit K. P, i cili është konstatuar nga policia duke mbajtur një aktivitet të tillë në zonën e plazhit.
Në përfundim të veprimeve të para shërbimet e Stacionit të Policisë Plazh i kanë vendosur masë administrative 1.000.000 lekë.
Ndër të tjera, Policia e Durrësit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
Prej dy ditësh, të rinj dhe artistë të prekur nga vendimi për mbylljen e klubeve të natës kanë protestuar përpara Kryeministrisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje