.png)
Kryeministri Edi Rama i bëri thirrje Presidentit bjellorus, Aleksandër Lukashenko që të pranojë ofertën e Presidencës shqiptare të OSBE-së për të ndërmjetësuar në zgjidhjen e krizës politike që ka shpërthyer në Minsk pas zgjedhjeve presidenciale të 9 gushtit.
Rama premtoi se OSBE nuk do të mbajë anë në këtë përpjekje për ndërmjetësim dhe qëllimi i vetëm i organizatës është që të parandalojë përshkallëzimin e tensioneve në një prej vendeve të saj anëtare, siç është Bjellorusia.
“Kryesia shqiptare do i qaset kësaj përpjekje pa axhendë të paracaktuar, u takon atyre të bien dakord si do të ecë përpara Bjellorusia. Kryesia beson se çdo marrëveshje dhe garanci duhet respektuar nga i gjithë komuniteti, nëse biem dakord për diçka duhet t’i përmbahemi. U bëj thirrje autoriteteve bjelloruse, ju lutem jepini një mundësi kësaj oferte, përfitoni nga ky moment, që Bjellorusia t’i largohet përplasjes”, u shpreh ai.
Apeli i Ramës u bë nga Vjena, ku u mblodh këtë të premte Këshilli i Posaçëm i OSBE-së, ku Kryeministri i Shqipërisë ndodhet që prej ditës së enjte. Gjatë qëndrimit atje, Rama pati një takim edhe me Stephen Biegun, Zëvendës Sekretar i Shtetit SH.B.A dhe me Miguel Bergeer, Sekretar i Shtetit, Ministrinë e Jashtme Gjermane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje