Thirrja e supermarketeve: Ju lutem mos blini më nga paniku!

Supermarketet në Britaninë e Madhe u kanë bërë thirrje sot qytetarëve që të mos blejnë më shumë ushqime sesa u nevojiten nga paniku i koronavirusit. Në një letër të përbashkët, dyqanet kanë kujtuar se klientët duhet të jenë të kujdesshëm në blerjet e tyre, në mënyrë që të tjerët të mos lihen pa sende shumë të nevojshme.

“Ka mjaftueshëm ushqime për të gjithë nëse punojmë së bashku”, shton ajo.

Thirrja e tyre vjen pasi disa dyqane filluan racionimin e shitjeve të produkteve të caktuara për të shmangur zbrazjen e rafteve.

Në letër, supermarketet thonë se shpërndarja në shtëpi e ushqimeve po vazhdon me “kapacitet të plotë” dhe stafi dhe furnitorët janë “duke punuar ditë e natë”. Shitësit me pakicë thonë se po punojnë me qeverinë britanike dhe furnizuesit për të bërë më shumë dërgesa në dyqane në mënyrë që raftet të jenë plotë.

“Ne i kuptojmë shqetësimet tuaja, por blerja e më shumë sesa duhet, ndonjëherë mund të nënkuptojë se të tjerët do të mbesin pa ushqime”, thuhet në letër.

Madje rrjeti i supermarketeve Sainsbury u ka çuar një email klientëve. “Ju lutemi mendoni para se të blini dhe blini vetëm ato që ju nevojiten juve dhe familjes suaj”, thotë emaili.

Duke folur në emër të shitësve me pakicë, Helen Dickinson, shefja ekzekutive e konsorciumit britanik BRC tha se: “Përballë kërkesës së pashembullt si rezultat i koronavirusit, shitësit me pakicë u kërkon klientëve të tyre që të mbështesin njëri-tjetrin për të bërë i sigurt që të gjithë mund të marrin produktet që iu duhen “.

Megjithatë, është e qartë nga raftet e boshatisura në mënyrë të përsëritur se shumë blerës nuk i kanë dëgjuar këshillat zyrtare se nuk ka nevojë për grumbullimin e ushqimeve. Në përgjigje, Sainsbury u ka thënë klientëve sot se ka rritur kapacitetin e depove dhe ka porositur më shumë aksione. Tesco është ndër supermarketet që i është bindur qeverisë për të punuar me orë të gjata.

Artikujt me të kërkuar përfshirë letrat higjenike, dezinfektuesin e duarve, makaronat dhe ushqimet e konservuara. Kjo ka bërë që disa supermarkete të kufizojnë shitjen e disa produkteve, ose u ka ndakuar klientëve të blejnë më shumë se katër prej secilit artikull.

Në Tesco, blerësit janë të kufizuar në blerjen e jo më shumë se pesë prej artikujve, duke përfshirë xhelin anti-bakterial, makaronat, qumësht dhe disa perime të konservuara.

Fushuesit kanë paralajmëruar që grumbullimi i rezervave mund të godasë grupet më të varfra dhe

Disa dyqane thonë se kanë mungesë të sendeve themelore të cilat tashmë janë blerë nga paniku nga blerësit.