.png)
Derbi i parë Tirana-Partizani në futboll për femra do të luhet sot. Nuk është një ndeshje zyrtare, por një organizim me bashkëpunimin e FSHF-së, që ka një qëllim sensibilizues në Ditën Kombëtare të Depistimit të Kancerit të Gjirit.
“Federata Shqiptare e Futbollit, në bashkëpunim me Klubin e Futbollit Tirana dhe Klubin e Futbollit Partizani organizojnë derbin e parë të futbollit të femrave, Tirana-Partizani. Kjo ndeshje zhvillohet në kuadër të Ditës Kombëtare të Depistimit për Kancerin e Gjirit. Ndeshja do të zhvillohet në fushën e kompleksit “Fari”, në orën 14:30”, – shkruhet në njoftimin e FSHF-së për këtë ndeshje.
Për 10 klubet e Superiores që nga ky sezon është detyrim që të kenë edhe një ekip femrash. Është një kusht i vënë nga UEFA për licencimin për në kompeticionet europaine, kështu që edhe ato klube që nuk kanë pasur ekip femrash, tashmë e kanë krijuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje