.png)
Një tjetër futbollist i Tiranës do të kalojë në kampionatin polak dhe konkretisht te skuadra më e madhe e tij, Legia e Varshavës. Ernest Muçit do t’i bashkohet shumë shpejt ish-shoku i tij i skuadrës, Jurgen Çelhaka, i cili do të firmosë një kontratë 4-vjeçare me Legian.
Tirana dhe Legia kanë rënë dakord për gjithçka. Shitja e mesfushorit 20-vjeçar, i dalë nga ekipet zinxhir, do të sjellë në arkat e Tiranës rreth 250 mijë euro. Klubi polak, i kënaqur me paraqitjen e Muçit të blerë pikërisht nga Tirana, ka vendosur të investojë edhe për Çelhakën, duke e konsideruar një lojtar me një të ardhme të sigurt.
Jurgen Çelhaka ka spikatur te Tirana sezonet e fundit, duke qenë një titullar shumë i rëndësishëm në mesfushë. Forma e tij e mirë nuk u ka shpëtuar menaxherëve dhe interesimi për talentin e Tiranës ka qenë i madh kohët e fundit, nga shumë kampionate të tjera të huaja. Me sa duket, Legia ka qenë më konkrete dhe ka lëvizur shpejt për të siguruar një tjetër talent shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje