.png)
Ajo fitore e një jave më parë me Kukësin duket se kishte sjellë eufori te Tirana, që e mori lehtë ndeshjen me Luftëtarin dhe me shumë vështirësi arriti të shmangë humbjen. Një gol mjaft i bukur i afrikanit Kobina në minutën e tretë shtesë ka bërë që Tirana të marrë një pikë në fushën e saj, pas barazimit 1-1. Albano Aleksi e kishte kaluar Luftëtarin në avantazh në pjesën e parë dhe gjirokastritët ishin shumë pranë një suksesi në transfetë, por ai eurogol i Kobina u hoqi dy pikë nga duart.
Mjaft e luftuar dhe e hapur deri në fund ishte edhe sfida e Vlorës me Flamurtarit dhe Skënderbeut. Vlonjatët janë kthyer te fitorja, ndërsa korçarët janë futur përsëri në krizën e rezultateve. Andi Ribaj dhe Emiljano Musta fiksuan rezultatin 2-0 në favor të Flamurtarit, që e ka barazuar Skënderbeun në kuotën e 33 pikëve. Vlen te theksohet se Skënderbeut iu anulua një gol për faj të sulmuesit të tij Oto Xhon, i cili preku një top që po i drejtohej rrjetës, pasi ishte në pozicion jashtë loje.
Java e 22-të e Superiores ka prodhuar pak gola dhe rezultate surprizë, ku veçohen humbjet e Partizanit dhe Kukësit, si dhe fitorja e Kastriotit në Kamzë, që solli edhe largimin e trajnerit Ernest Gjoka. Partizani vazhdon të udhëheqë me 46 pikë, 7 pikë para Teutës së vendit të dytë. E hapur mbetet gara për Kupat e Europës dhe për mbijetesën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje