.png)
Një lokal dhe një automjet në Tiranë janë përfshirë nga flakët.
Ngjarjet në fjalë kanë ndodhur në kohë të ndryshme.
Mësohet se rreth orës 02:45, në rrugën “Mine Peza”, në katin e dytë të një pallati, ka rënë zjarr në ambientet e brendshme të një lokali, i cili ka qenë i mbyllur. Falë ndërhyrjes së shpejtë është bërë e mundur fikja e zjarrit dhe ka pasur vetëm dëme materiale. Po ashtu dëme materiale ka pasur edhe në apartamentin sipër lokalit. Nga hetimet e deritanishme, ka dyshime se bëhet fjalë për një ngjarje aksidentale.
Ndërkohë, pak para mesnate, në Kamëz, në rrugën “Fan Noli”, si pasojë e një shkëndije elektrike në oborrin e banesës së shtetasit A. Z., është djegur mjeti i parkuar në pronësi të shtetasit A. B., ku ka vetëm dëme materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje