.png)
Xhudisti Indrit Çullhaj e ka humbur ndeshjen e parë në Tokio 2020. Ai garonte në kategorinë deri në 66 kg përballë kostarikanit Sanço. Sportisti shqiptar e kishte ndeshjen thuajse gjatë gjithë kohës nën kontroll, por një gabim në fund i kushtoi shtrenjtë.
Çullhaj, 21 sekonda para përfundimit të kohës, lejoi kundërshtarin ta përmbyste ndeshjen me një kapje, që xhudistit kuqezi i shkaktoi edhe një dëmtim në brinjë. Një dëmtim serioz, aq sa u desh që ai të nxirrej me barelë jashtë tapetit.
Ka bërë garën e parë në Tokio 2020 edhe qitësja Manuela Delilaj, në disiplinën 10 metra pistoletë me ajër. Ajo garoi në baterinë e parë, grumbulloi 565 pike dhe zuri vendin e 37-të në 53 sportiste që merrnin pjesë në këtë disiplinë. Delilaj do të garojë sërish më 29 korrik, në 25 metra pistoletë precizion.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje