.png)
Organizatorët e Olimpiadës së Tokios dhe Komiteti Olimpik Ndërkombëtar (CIO) do të zhvillojnë këtë javë të tjera takime për të shpjeguar si 15.400 sportistë olimpikë dhe paraolimpikë do të garojnë në Japoni, në mes të pandemisë. Dalja e të ashtuquajturave ‘Playbooks’, një lloj guide e CIO-s për sportistët, ndodh në një moment, kur Tokio, Osaka dhe shumë zona të tjera të Japonisë kanë kaluar për herë të tretë në gjendje të jashtëzakonshme, pas shtimit të rasteve me Koronavirus.
Edhe Japonia, që numëron rreth 10.000 humbje jete nga Covid-19, deri tani ka qenë e ngadaltë me vaksinimin e popullsisë. Në protokollet e reja do të shtohen testet e përditshme të sportistëve, ndërkohë që do të hiqet karantina e detyrueshme për 14 ditë në momentin e mbërritjes në Japoni. Në këtë mënyrë, sportistët mund të stërviten menjëherë.
Pjesëmarrësit në Lojërat Olimpike do të qëndrojnë brenda fshatit olimpik në Tokio dhe në qendrat e stërvitjes.
Sipas agjencisë “Kyodo News”, sportistët dhe personeli do të testohen dy herë çdo 96 orë, si dhe do të testohen sapo të mbërrijnë në Japoni. “Playbook”-u për sportistët do të azhurnohet të mërkurën, kurse ai për mediet do të mësohet të premten. Një edicion final për të gjithë “Playbook”-ët do të publikohet në qershor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje