.png)
Pas zhgënjimit në ndeshjet e para të Olimpiadës së Tokios, Franca, Argjentina, Gjermania dhe Spanja kanë marrë fitoret e para në xhiron e dytë.
Argjentina ka mundur Egjiptin, falë një goli të mbrojtësit Medina. Po në Grupin C, Spanja ka mundur 1-0 Australinë, me një gol të sulmuesit Ojarzabal në fundin e ndeshjes, duke marrë edhe kreun e grupit me 4 pikë.
Fitore të në frymën e fundit për Francën, që mposhti 4-3 Afrikën e Jugut. Protagonisti i ndeshjes për “gjelat” ishte sulmuesi veteran, Zhinjak, autor i 3 golave dhe asistit të golit të fitores të shënuar në kohën shtesë nga Savenier.
Në Grupin D, ndeshja mes Brazilit dhe Bregut të Fildishtë përfundoi në barazim 0-0. Këto dy skuadra kryesojnë grupin me nga 4 pikë pas dy ndeshjeve të para, më pas vjen Gjermania me 3 pikë, pasi ka mundur Arabinë Saudite me rezultatin 3-2. Ishte një fitore e vuajtur për gjermanët, që shënuan me Amirin, Ake dhe Uduokhain.
Në Grupi A, Japonia ka mundur Meksikën 2-1, me gola të shënuar nga Kubo dhe Doan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje