.png)
Nga sot (e hënë) Jozefina Topalli është zyrtarisht anëtare e partisë së re “Lëvizja për Ndryshim”
Vendimi u shpall të hënën, duke i hapur rrugë pjesëmarrjes së kësaj force politike në zgjedhjet e 25 prillit.
“Lëvizja për Ndryshim” u prezantua nga ish-kryetarja e Kuvendit Jozefina Topalli në datën 28 tetor. Atë kohë, Topalli e la të paqartë nëse kjo lëvizje do të kthehej në një forcë politike, por në daljet e mëtejshme, ajo specifikoi se do t’i bashkohej një tjetër partie politike për të larguar kastën aktuale që sipas saj kanë tre emra, Edi Rama, Lulzim Basha dhe Ilir Meta.
Topalli i është bashkuar një force të re politike që kryesisht synon të rinjtë. Gjatë fjalës së mbajtur në fund të tetorit, Topalli ftoi kryesisht brezin e ri që të bëhet pjesë e kësaj lëvizje për të sjellë ndryshimin.
Topalli nga ana e saj ka ofruar eksperiencën duke u paraqitur si figurë e pastër, por pak ose aspak është shprehur për kohën kur ajo bashkëpunonte me Sali Berishën, duke e fokusuar kritikën e saj vetëm tek drejtimi i Bashës në krye të PD-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje