.png)
Ministri i Shëndetësisë në Maqedoninë e Veriut, Venko Filipçe, ka njoftuar se i ka propozuar kryeministrit Zoran Zaev dorëheqjen nga detyra, për shkak të zjarrit që përfshiu spitalin e Tetovës.
Dorëheqja e tij vjen pas tre dorëheqjeve paraprake pasditen e të premtes, atë të dy drejtorëve të spitalit të Tetovës dhe zëvendësit të tij, Ilir Hasani.
Edhe Filipçe, si kolegët e tij që dhanë dorëheqjen, e justifikon atë me përgjegjësitë morale që mban si ministër për tragjedinë ndodhi në spitalin e Tetovës.
Dy ditë më parë, në spitalin e Tetovës humbën jetën 14 pacientë të shtruar me Covid-19 në një strukturë modulare, si shkak i rënies së zjarrit në objekt.
Prokuroria ka nisur hetimet për ngjarjen e rëndë, ndërsa deri më tani dyshohet se zjarrin e shkaktoi shpërthimi i një bombole oksigjeni.
Edhe pse viktimat nuk janë identifikuar ende, mediat në maqedoni raportojnë se një pjesë e tyre dyshohet se janë me origjinë shqiptare.
Qeveria shpalli tre ditë zie kombëtare për tragjedinë në Tetovë, ndërsa prokuroria ka nisur hetimet për zbardhjen e shkaqeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje