.png)
Një lajm tragjik ka tronditur sot komunitetin shqiptar të sportit dhe veçanërisht atë të notit. Ka ndërruar jetë në moshën 24-vjeçare notari Klavio Meça, i konsideruar si ardhmja e notit në vendin tonë.
Nuk është bërë ende i ditur shkaku i vdekjes së notarit, por dyshimet janë për një atak kardiak. Sportisti nga Fushë-Kruja kishte vedosur rekord kombëtar në Hungari, në 400 metra stil i lirë, duke arritur kohën 4’04”03.
Pas lajmit të trishtë ka reaguar edhe Komiteti Olimpik Kombëtar Shqiptar (KOKSH) me një postim ngushëllimi në faqen zyrtare në “Facebook”, ku shkruan:
“Një lajm i pabesueshëm na erdhi si bombë për ndarjen nga jeta të sportistit shqiptar Klavio Meca në moshën 24 vjec. Nuk gjejmë fjalë për të shprehur dhimbjen e madhe… Kujtojmë që notari Klavio Meça, ka pasur një sërë arritjesh sportive ndërsa veçojmë se në Budapest të Hungarisë ka vendosur një rekord të ri kombëtar në 400 m stil i lirë me kohën e përgjithshme 4’04”03.
Ishte një djalë i shkëlqyer me sjellje shembullore dhe disiplinë sportive. KOKSH i shpreh ngushëllime familjes dhe komunitetit sportiv. U prehsh në paqe kampion! Do të na mungosh…!”, përfundon postimin KOKSH.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje