.png)
Një 37-vjeçar nga Berati është kapur dhe arrestuar në aksin Qukës-Qafë Plloçë, pasi po transportonte 9 klandestinë të paligjshëm në Shqipëri kundrejt fitimit.
Policia thotë se është vënë në pranga shtetasi me inicialet N. S., 37 vjeç, banues në fshatin Vodicë, Berat, i cili u kap në aksin rrugor rural Qafë Plloçë-Qukës, pranë fshatit Golik, duke transportuar me mjetin tip “Range Rover”, në drejtim të Tiranës, 9 emigrantë të paligjshëm, të cilëve kundrejt fitimit prej 1000-1200 euro iu kishte premtuar kalimin drejt vendeve të BE-së.
Edhe kjo goditje ishte në vazhdën e operacionit policor të koduar “Perimetri”, i cili vijon prej kohësh në qarkun e Korçës në kuadër të goditjes së trafikut të paligjshëm të klandestinëve nga Greqia në Shqipëri.
Materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve, kryer në bashkëpunim”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje