.png)
Forcat e sigurisë në Kazakistan thonë se kanë vrarë dhjetëra rebelë antiqeveritar në një operacion për të rivendosur rendin në qytetin kryesor, Almaty.
Ata u zhvendosën pasi protestuesit u përpoqën të merrnin kontrollin e stacioneve të policisë në qytet, tha një zëdhënëse e policisë.
Dymbëdhjetë anëtarë të forcave të sigurisë janë vrarë dhe 353 janë plagosur në trazirat, të shkaktuara nga dyfishimi i kostos së gazit dhe naftës.
Protestat filluan të dielën kur qeveria rriti çmimin e gazit dhe naftës por trazirat që atëherë janë përhapur duke përfshirë ankesat politike.
Pjesa më e madhe e zemërimit në rrugë, megjithatë, duket se ka pasur për qëllim paraardhësin e Presidentit Kassym-Jomart Tokayev, Nursultan Nazarbayev, i cili ka mbajtur një rol të fuqishëm të sigurisë kombëtare që kur dha dorëheqjen.
Protestuesit janë dëgjuar duke brohoritur emrin e Nazarbayev, ndërsa një video që tregonte njerëz që përpiqeshin të rrëzonin një statujë gjigante prej bronzi të tij në Taldykorgan, në rajonin e tij, u shpërnda në internet.
Marrja e një tabloje të qartë të asaj që po ndodh në vendin e Azisë Qendrore po rezulton e vështirë mes asaj që grupet e monitorimit e përshkruajnë si “një ndërprerje e internetit në shkallë vendi”.
Zëdhënësja e policisë së Almatit, Saltanat Azirbek u bëri thirrje njerëzve në qytet të qëndrojnë përkohësisht në shtëpi pasi një operacion “kundër-terrorist” vazhdoi në tre ndërtesa administrative.
Dhjetra sulmues u “eliminuan” pasi u përpoqën të sulmonin ndërtesat e policisë në qytet, tha ajo, duke shtuar se armët ishin vjedhur nga rebelët.
Në total, rreth 1000 njerëz raportohet se janë plagosur në trazirat, me 400 që po trajtohen në spital dhe 62 në kujdesin intensiv.
Protestuesit sulmuan zyrën e kryetarit të bashkisë në Almaty, ku videot në mediat sociale tregonin një shtëllungë tymi që ngrihej nga ndërtesa, ndërsa dëgjoheshin të shtëna me armë zjarri.
Stafi në aeroportin kryesor të Kazakistanit u desh të largohej nga demonstruesit antiqeveritar.
Ndërkohë, ka raportime se forcat e sigurisë kanë dalë në krah të protestuesve në disa vende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje