.png)
Një tren i linjës me shpejtësi të lartë që udhëtonte midis Çikagos dhe Siatëllit, doli nga shinat ndërsa kalonte përmes shtetit të Montanas pranë qytetit Joplin në Shtetet e Bashkuara të Amerikës.
Mediat lokale raportojnë deri tani për të paktën tre viktima dhe rreth 50 të plagosur. Në bordin e “Empire Builder” kishte 160 persona në bord, përfshirë udhëtarët dhe anëtarët e ekuipazhit. Operacionet e shpëtimit dhe evakuimit filluan menjëherë. Ende nuk janë dhënë detaje mbi shkaqet e aksidentit.
Pesë vagonë dolën nga shinat rreth orës 4 pasdite me kohën lokale (10 të mbrëmjes në Europë) pranë Joplin, gati 200 milje në veri të Helenës, sipas kompanisë.
“Kishte rreth 147 pasagjerë dhe 13 anëtarë të ekuipazhit në tren”, – tha Kimberly Woods, një zëdhënëse e kompanisë “Amtrak”.
“Kompania, – tha ai, – po punon me autoritetet lokale për të transportuar udhëtarët e lënduar dhe për të evakuuar në mënyrë të sigurt të gjithë udhëtarët e tjerë”.
Senatori Steve Daines tha se dalja nga shinat është “lajm tragjik”, duke shtuar se ai “po monitoron nga afër këtë situatë ndërsa dalin detajet”.
Çikago-Siatëll, është linja më e ngarkuar e “Amtrak” në distanca të gjata, duke transportuar më shumë se 500,000 pasagjerë në vit.
Para “Amtrak”, Empire Builder ishte treni kryesor i Hekurudhës së Madhe Veriore historike, e cila, me afërsisht 7 mijë kilometrat e saj, niset nga Çikago, Illinois dhe arrin në Paqësor, së pari në Siatëll në shtetin e Uashingtonit dhe më pas në jug në Oregonit, në Portland, duke kaluar tetë shtete amerikane dhe duke marrë 46 orë. Treni, i cili kalon Malet Shkëmbore dhe Parkun Kombëtar Glacier, nuk mund të shkojë përtej 130 kilometrave në orë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje