.png)
Gazeta Si – Samiti i NATO-s në Madrid nisi me një prolog të rëndësishëm. Rexhep Tajip Erdogan hoqi dje veton për hyrjen e Suedisë dhe Finlandës në Aleancën Atlantike.
Presidenti turk kishte akuzuar qeveritë e vendeve skandinave se mbrojnë “terroristët”, ose më thjesht kundërshtarët e qeverisë së tij.
Me sa duket ai mori garancitë që donte, pas një negociate katër-orëshe me presidentin finlandez Sauli Niinisto dhe kryeministren suedeze Magdalena Andersson.
Ministrat e Jashtëm të tre vendeve kanë nënshkruar një “Memorandum” bashkëpunimi.
Kërkesat kryesore të Turqisë, të cilat erdhën si befasi për aleatët e NATO-s në fund të majit, ishin që vendet nordike të ndalonin mbështetjen e grupeve militante kurdë të pranishme në territorin e tyre dhe të hiqnin ndalimet e tyre për disa shitje armësh në Turqi.
Stoltenberg tha se është rënë dakord që Suedia dhe Finlanda do të heqin kufizimet e tyre për shitjen e armëve në Turqi, teksa do të intesifikojnë punën për ekstradimin e tyre si edhe ndryshimin e ligjit për të ashpërsuar qasjen e tyre ndaj tyre.
Një gjë e tillë është konfirmuar edhe nga presidenca turke ku tha se marrëveshja e arritur dje nënkupton, “Bashkëpunim të plotë me Turqinë në luftën kundër PKK-së dhe anëtarëve të saj”.
Turqia ka ngritur shqetësime serioze se Suedia ka strehuar, siç thotë ajo, militantë nga Partia e ndaluar e Punëtorëve të Kurdistanit (PKK), e cila mori armët kundër shtetit turk në 1984. Megjithatë Stokholmi zyrtar e mohon akuzën.
Në këtë pikë, samiti që do të lindë NATO-n “e dy botëve”, mund të fillojë pa tensione të brendshme.
Sytë dhe mbi të gjitha armët drejt Rusisë. Por vigjilenca e alarmuar është edhe për shkak të zgjerimit shumëformësh të Kinës.
Së pari, do të bëhet një bilanc i luftës së Ukrainës, në një stafetë ideale me G7 që përfundoi në Gjermani.
Edhe këtu nisma mbetet mbi të gjitha në duart e Joe Biden. Këshilltari i Sigurisë Jake Sullivan, tha se “presidenti i SHBA do të bëjë një sërë njoftimesh”. Ai nuk shtoi asgjë përveç se Shtetet e Bashkuara do të vendosin edhe më shumë ushtarë dhe më shumë armatime të rënda në krahun lindor të Evropës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje