.png)
Turqia i ka kërkuar Bashkimit Evropian të marrë veprime “konkrete dhe konstruktive” në lidhje me marrëveshjen për migrantët dhe liberalizimin e vizave.
Liderët e Bashkimit Europian o zotuan në samitin e mbajtur të enjten për rritjen e niveleve tregtare me Ankaranë. Megjithatë, ata paralajmëruan se mund të vendosin sanksione ndaj Turqisë, nëse rifillon me kërkimet e gazit në Mesdheun Lindor.
BE tha se do ta rishqyrtojë edhe një herë pozicionin ndaj Turqisë, në një takim të Këshillit Europian që do të mbahet në muajin qershor.
Por, Ankaraja tha se BE-ja “nuk ka autoritet” të shpallë si të “paligjshme” aktivitetet e kërkimit të gazit, duke fajësuar Greqinë për këtë “retorikë”.
Marrëdhëniet e Turqisë me Perëndimin, përfshirë Francën dhe Shtetet e Bashkuara, u përshkallëzuan gjatë vitit të kaluar pasi Ankaraja dërgoi anije kërkimi në Mesdheun Lindor, duke nxitur reagimin e Greqisë dhe Qipros, të dyja vende anëtare të Bashkimit Europian.
Tensionet janë ulur që kur Turqia rifilloi bisedimet me Greqinë, për herë të parë që nga viti 2016. Zyrtarët e BE-së e kanë kritikuar vazhdimisht Turqinë për shkelje të të drejtave të njeriut.
Së fundi, liderët e BE-së janë shprehur të shqetësuar lidhur me lëvizjet e Ankarasë për të shuar një parti opozitare dhe largimin nga Konventa e Stambollit, një traktat që synon mbrojtjen e grave nga dhuna.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje