.png)
Viti që lam pas ishte një vit i artë për turizmin në Turqi, me kurset e favorshme të këmbimit që “ëmbëlsojnë” marrëveshjen për vizitorët, plazhet e bukura të vendit, qytetet historike dhe mrekullitë gjeologjike ishin gati për një ringjallje të turizmit pas pandemisë.
Pastaj ndodhi fatkeqësia. Tërmeti masiv i 6 shkurtit pranë kufirit të Turqisë me Sirinë shkaktoi humbje të mëdha jetësh dhe rrafshoi lagje të tëra. Goditja sizmike dhe konvulsionet emocionale që pasuan u ndjenë në të gjithë vendin.
Edhe pse po përpunonin katastrofën dhe bënin çmos për të mbështetur bashkatdhetarët e tyre të kapur nga ajo, shumë që punonin në industrinë e turizmit të Turqisë e kuptuan se kishin një problem të mundshëm në duart e tyre: A do t’i trembte katastrofa vizitorët?
Turizmi është jashtëzakonisht i rëndësishëm për ekonominë e Turqisë dhe jetesa e shumë njerëzve varet prej tij. Pas Covid-it, vizitorët u duheshin më shumë se kurrë.
Pushuesit priren të shohin pamjet e lajmeve të çdo zone fatkeqësie dhe ta barazojnë atë me vendin në tërësi, edhe kur ai vend është gjeografikisht aq i gjerë sa Turqia.
Në javët e ardhshme, Turqia do të hyjë në fillimin e sezonit të saj të pikut të turizmit me disa anulime në ditët dhe javët e para pas tërmetit.
Shenjat janë të mira, thotë Kaan Kavaloglu, kryetar i Shoqatës së Hotelierëve Turistik Mesdhetar. Me fluturimet që funksionojnë normalisht në shumicën e destinacioneve kryesore, dhe resortet dhe bizneset të gjitha të hapura, ai ka besim se vendi është ende në një vit më të mirë.
“Ne jemi në kontakt të ngushtë me operatorët turistikë të vendeve të ndryshme, të cilët konfirmojnë se Turqia po përgatitet për një sezon tjetër veror me rekord në të gjitha destinacionet e saj kryesore”, tha ai për CNN.
Shumë operatorë kanë thënë se turistët kanë telefonuar gjithë kohës për të pyetur për gjendjen e qyteteve dhe për asnjë moment nuk kanë hezituar për të shkuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje