.png)
Televizionet greke, përfshirë këtu edhe agjencinë shtetërore të lajmeve kanë nisur prej pasdites së të martës “heshtjen” 24-orëshe në formë proteste ndaj një projektligji të Qeverisë, që ndryshon kontatat dhe marrëdhëniet punëdhënës-punëmarrës.
Protesta ka nisur në orën 18:00 të së martës dhe do të mbyllet në orën 18:00 të mërkurën. Gazetarët dhe punonjës të tjerë të mediave thonë se projektligji do të çojë në shkurtime të mëdha të vendeve të punës dhe kërkojnë anulimin e tij.
Projektligji shfuqizon ligjin ekzistues, sipas të cilit televizionet që gëzojnë licencë kombëtare duhet të kenë jo më pak se 400 gazetarë dhe punonjës me kontrata pune afatgjata. Në propozimin e Qeverisë numri ulet në 280 gazetarë dhe punonjës të tjerë me kontrata afatgjata dhe të plota dhe 120 të tjerë si punonjës me kohë të pjesshme.
Unionet e gazetarëve grekë thanë se projektligji godet fort sektorin e medias televizive, që në dekadën e fundit ka pësuar edhe të tjera goditje. Ata akuzojnë se me këtë projekt, Qeveria po u shërben pronarëve të medias.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje