.png)
Gazeta Si – Një e djathtë e fortë dhe stadiumi ‘Wembley’, i mbushur me tifozë, shpërthen nga gëzimi. Ka mjaftuar një goditje e kampionit të botës në WBC të peshave të renda, Tyson Fury, për të mbrojtur titullin kudër sfidantit Dillian White. Fitore me nokaut në raundin e 6-të.
Një sfidë boksi e gjitha angleze, spektakël dhe biznes para 100 mijë spektatorëve, çka konfirmon se Anglia mbetet ‘Meka” e boksit, bashkë me SHBA-të. Ka konfirmuar po ashtu klasin e “Gypsy King”, mbretit cigan, gjigantit 2.06 metra të gjatë, me një peshë 126 kilogramë. Fury nuk humb prej 33 ndeshjesh: 32 fitore dhe 1 barazim në sfidën e parë të trilogjisë ndaj Deontay Wilder, e pasuar nga dy suksese.
He knew it was done.@Tyson_Fury screamed for the ref to call it as Dillian Whyte struggled to his feet.#FuryWhyte pic.twitter.com/qyNodEcU5u
— #FuryWhyte | Saturday | BT Sport Box Office 🥊 (@BTSportBoxing) April 23, 2022
Whyte, një vit më i madh se Fury (34 a 33) dhe 13 centimetra më i shkurtër, nuk mundi të bënte asgjë në këtë derbi anglez. Tentativat e tij për të shkurtuar diferencën nuk dhanë asnjëherë efekt. Fury fitoi në gjithçka, në raundin e tretë pati goditjet më të mira, kurse në raundin e katërt pati edhe provokim nga rivali dhe u desh të ndërhynte arbitri për të ndarë dy boksierët.
Edhe raundi i 5-të ishte në favor të Fury. Dhe në të gjashtin goditja finale dhe White bie në tapet. Arbitri fillon të numërojë, sfidanti arrin të ngrihet, por këmbët nuk e mbajnë dhe këtu ndeshja përfundon.
Tyson Fury uppercut KO! 😳🐐 pic.twitter.com/ysQezgxUn2
— the jew jitsu (@brentsehxti) April 23, 2022
Mbreti cigan falënderon Zotin dhe këndon “Miss American Pie”, këngën ikonike të Don Mc Lean, dedikuar gruas. Një mbyllje që e konfirmon ‘show man’, përveçse kampion dhe kushedi për sa kohë. Nëse nuk do të jetë tërheqje ajo që Fury deklaroi pas ndeshjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje