.png)
Britania e Madhe do t’u presë biletën vetëm vajtje për në Ruanda mijëra azilkërkuesve që kanë hyrë në ishull ilegalisht përmes kanalit të La Manshit.
Plani i qeverisë së Boris Johnson është që të dërgojë në vendin afrikan fillimisht 6500 azilantë, si pjesë e një marrëveshjeje prej 150 mln eurosh të nënshkruar me Ruandën. Marrëveshja është arritur pas diskutimeve që qeveria britanike tha në pranverën e vitit të kaluar se po ndërmerrte me disa vende, mes tyre edhe Shqipëria.
Transferimi i azilantëve në qendra pritjeje nën Ruanda është cilësuar si mizor nga organizatat e mbrojtjes së të drejtave të njeriut, por Boris Johnson e mbrojti duke thënë se skema ishte e nevojshme për të shpëtuar me mijëra jetë nga trafikimi. Shumica e të dëbuarve janë burra, që kanë hyrë ilegalisht në Britaninë e Madhe.
Johnson tha se skema dekurajon trafikimin e qënieve njerëzore në drejtim të Britanisë së Madhe dhe të ardhurat e organizatave të trafikut, që sipas tij, e kanë shndërruar oqeanin në një ‘varrezë nënujore’ masive me jetë të pafajshme.
Vitin e kaluar rreth 28 mijë persona kanë hyrë ilegalisht përmes varkave të vogla në Britaninë e Madhe, nga 8400 që u raportuan në 2020. Skema është kritikuar nga laburistët, që thonë se ishte jofunksional, joetik dhe i tepruar.
Kundërshtarët thonë gjithashtu se kostoja vjetore e kësaj skeme do të shkojë përtej 150 mln eurove, ndërsa shqetësime u ngritën edhe mbi respektimin e të drejtave të njeriut dhe rekordit negativ të vendit afrikan në këtë drejtim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje