.png)
Në Mbretërinë e Bashkuar, ditën kur do të ndërrojë jetë Mbretëresha Elizabeth, institucionet publike britanike do të pezullojnë të gjitha komunikimet në mediat sociale. Një ndërprerje e plotë sociale.
Kjo u zbulua nga “Politico”, duke shtuar një detaj të ri në atë që dihet tashmë për të ashtuquajturin “Operacioni London Bridge”, ose plani që do të ekzekutohet në ditët pas vdekjes së Elizabeth II.
Thashethemeve tashmë të rrjedhura në shtypin anglez katër vjet më parë, gazeta amerikane i shton informacione të reja, të marra falë mundësisë së zbardhjes së pjesëve të planit që kanë mbetur të papublikuara deri më tani.
Siç dihet tashmë që nga viti 2017, kryefjala me të cilën “Buckingham Palace” do të komunikojë lajmin e vdekjes së mbretëreshës në “Downing Street” – aktualisht 95 vjeçe dhe një vend mbi të cilin po mbretëron pa bashkëshortin e saj Filip, i cili vdiq prillin e kaluar – do të jetë “London Bridge is down “, ose “Ura e Londrës është shembur”.
Pasi të ketë ndodhur komunikimi zyrtar midis Pallatit Mbretëror dhe qeverisë, sipas asaj që u raportua nga “Politico”, informacioni publik – ekskluziviteti i të cilit do të rezervohet për agjencinë kombëtare PA – do të menaxhohet më pas ekskluzivisht nga faqet e internetit të qeverisë dhe familjes mbretërore sipas një skeme rigoroze.
Ngjarja do të respektohet edhe në internet. Para së gjithash, kjo do të ndikojë në portalin e “Buckingham Palace”, i cili do të japë lajmin zyrtar, rreptësisht në një sfond të zi. Të gjitha faqet e mbetura institucionale dhe qeveritare, gjithashtu do të respektojnë zinë, duke ndaluar përhapjen e çdo përmbajtjeje jo urgjente dhe duke pezulluar përkohësisht aftësinë për të përsëritur mesazhet.
Lamtumira e fundit ndaj mbretëreshës – konfirmon “Politico” – do të pasojë programin tashmë pjesërisht të njohur për qytetarët britanikë dhe të gjithë botën.
Subjektet do të jenë në gjendje të vizitojnë mbretëreshën e tyre për herë të fundit në shtëpinë e varrimit të ngritur në Pallatin Westminster – selia e Parlamentit – e cila do të strehojë trupin e Elizabeth për tre ditë. Ndërsa për funeralin solemn shtetëror, do të duhet të pritet dhjetë ditë pas vdekjes, kur i gjithë vendi vërtet do t’i japë lamtumirën e fundit sovranes në një ditë zie kombëtare.
Plani rendit hapat zyrtarë drejt kurorëzimit të mëvonshëm të Princit Charles, të treguar personalisht në cilësinë e tij si trashëgimtar i fronit.
Jo pa i atribuuar përgjegjësi specifike Ministrisë së Jashtme për pritjen e miqve të huaj të nderit dhe për përballimin e rritjes së pritshme të turistëve; si dhe atë të Mbrojtjes për kujdesin e aspekteve ceremoniale ushtarake të paradave të varrimit, përfshirë këtu edhe qitjen e topave në funksion të funeralit.
Edhe pse argumenti mund të ngrejë disa dyshime, qasja e “Politico”-s në dokumentet zyrtare nuk duket të ketë ndonjë lidhje me ndonjë përkeqësim të shëndetit të mbretëreshës, saktëson gazeta “The Guardian”, e cila raportoi informacionin e marrë nga “Politico”.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje