.png)
Kombëtarja e futbollit të femrave do të mësojë ditën e premte kundërshtarët e eliminatoreve të Kupës së Botës 2023. Më 30 prill hidhet shorti në Nion të Zvicrës, ndërkohë që vazot e skuadrave janë ndarë dhe Shqipëria, për herë të parë në historinë e saj, ndodhet në vazon e 4-t.
Vajzat kuqezi, pas klasifikimit të fundit të UEFA-s, mbajnë vendin e 33-të. Në vazon e 4-t, përveç Shqipërisë, janë edhe Sllovakia, Maqedonia e Veriut, Islanda, Greqia, Hungaria, Bjellorusia, Kroacia dhe Azerbajxhani. Kombëtarja e futbollit të femrave të Kosovës ndodhet në vazon e 5-të.
Janë 51 ekipe që do të ndahen në 9 grupe, 6 nga të cilët do të kenë nga 6 skuadra dhe 3 grupe nga 5 skuadra. Ndeshjet zhvillohen me sistemin vajtje-ardhje në periudhën shtator 2021–shtator 2022. Kualifikohen direkt vendet e para të çdo grupi, ndërsa vendet e mbetura përcaktohen nga faza e “Play-off”-it, që zhvillohet në tetor 2022.
Ndarja e vazove në shortin e së premtes është kjo:
Vazo 1: Holandë, Gjermani, Angli, Francë, Suedi, Spanjë, Norvegji, Itali, Spanjë
Vazo 2: Belgjikë, Zvicër, Austri, Skoci, Islandë, Rusi, Finlandë, Portugali, Uells
Vazo 3: Çeki, Ukrainë, Irlandë, Poloni, Slloveni, Rumani, Serbi, Bosnje-Hercegovinë, Irlandë e Veriut
Vazo 5: Turqi, Maltë, Kosovë, Kazakistan, Moldavi, Qipro, Ishujt Faroe, Gjeorgji, Letoni
Vazo 6: Mal i Zi, Letoni, Estoni, Luksemburg, Armeni, Bullgari
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje