.png)
Bashkimi Europian ka njoftuar se do të ndërpresë bashkëpunimin për blerjen e vaksinave anti-Covid me kompaninë anglo-suedeze, “AstraZeneca”. Lajmin e ka dhënë Komisioneri Evropian i Tregtisë së Brendshme, Thierry Breton.
“Për momentin Bashkimi Europian nuk do të rinovojë kontratën për vaksinën kundër covid-19, ‘AstraZeneca’. Kontrata e vjetër do të përfundojë në fund të qershorit, do të shohim se çfarë do të ndodhë më vonë”, – tha Breton.
Ky i fundit nuk shprehu ndonjë kritikë ndaj vaksinës “AstraZeneca”, të cilën gjithsesi e përcaktoi si “një vaksinë shumë interesante dhe shumë të mirë”, veçanërisht “për kushtet logjistike dhe temperaturat” në të cilat mund të ruhet.
Tani, megjithatë, theksoi Breton, “ne kemi filluar me kompaninë ‘Pfizer’ për të punuar me fazën e dytë dhe vaksinat e gjeneratës së dytë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje