.png)
Organizata Botërore e Shëndetësisë (OBSH) u ka bërë thirrje anëtarëve të saj në Europë të “forcojnë kontrollin” për shkak të variantit të ri të koronavirusit në Britaninë e Madhe.
Varianti i ri i virusit është regjistruar në Britaninë e Madhe, por edhe në disa vende të tjera – nëntë raste në Danimarkë, dhe nga një rast në Holandë dhe Australi.
OBSH-ja deklaroi se sipas informacionit të parë, varianti i virusit mund të jetë më ngjitës dhe mund të rrezikojë efikasitetin e disa metodave diagnostikuese.
Organizata shtoi se nuk kishte asnjë provë që varianti i ri i koronavirusit ishte një formë më serioze sesa COVID-19.
“Në të gjithë Europën, ku transmetimi i koronavirusit është i përhapur, vendet duhet të rritin procedurat e tyre të kontrollit dhe parandalimit,” tha OBSH
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje