.png)
Tetë minuta dhe 46 sekonda. Familjarët e George Floyd qëndruan të gjunjëzuar para Minneapolis Court (SHBA) në shenjë simbolike.
Është e njëjta kohë kur polici, i arrestuar dhe që pritet të dalë në gjyq, mbajti gjurin të shtypur në qafën e afrikano-amerikanit, i shtrirë në tokë dhe i paarmatosur, i cili dha shpirt, duke thirrur, “nuk mund të marr frymë”, më 25 maj 2020.
Në orën 08.46 me kohën lokale në “Hennepin County” në qendër të Mineapolisit, familja e George Floyd u gjunjëzua për 8 minuta dhe 46 sekonda para sallës së gjyqit, para nisjes së seancës gjyqësore ndaj ish-agjentit, Derek Chauvin.
Avokati i familjes, Ben Crump, i pranishëm në tubim, tha se gjyqi “do të jetë një referendum për vendin ku Amerika kërkon barazi dhe drejtësi për të gjithë”.
“Kjo çështje për vrasje, nuk është e vështirë, mjafton të shikosh videon e torturave të George Floyd”, – vazhdoi Crump, duke thënë se nuk do të kishte dyshime se Chauvin do të ishte dënuar nëse Floyd do të ishte i bardhë.
Avokatët mbrojtës të ish-policit, do të argumentojnë se klienti i tij ka zbatuar vetëm rregulloren dhe se vdekja e Floyd i atribuohet gjithashtu kushteve të mëparshme shëndetësore dhe përdorimit të drogës nga viktima.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje