.png)
Familja e Kobi Brajant dhe ato të viktimave të incidentit të helikopterit që u rrëzua në kodrat e Calabasas (Los Anxheles) në janar të 2020-ës, ku humbën jetën ylli i basketbollit, vajza e tij Xhana 13 vjeç dhe 7 persona të tjerë, kanë arritur një akord që i jep fund procedimit ligjor kundër pilotit dhe kompanisë së helikopterëve.
Sipas shtypit amerikan, gjykata pritet të zyrtarizojë vlefshmërinë e këtij akordi, detajet e të cilit nuk janë bërë të ditura publikisht. Pak muaj më parë, një raport i autoriteteve për sigurinë e transportit kishte dalë në konkluzionin se incidenti u shkaktua nga një gabim i pilotit, duke akuzuar edhe kompaninë për shkelje të normave të sigurisë.
“Island Express Helicopters” kishte mohuar çdo lloj përgjegjësie në atë ngjarje. Familjarët e viktimave, mes tyre edhe Vanesa Brajant, e veja e ish-basketbollistit të famshëm të Los Anxheles Lejkërs, kishin paditur në gjykatë kompaninë që kishte në pronësi helikopterin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje