.png)
Një 18-vjeçare nga Genova në Itali, ka humbur jetën në spital pasi pësoi trombozë. Më 25 maj, 18-vjeçarja Camilla Canepa, me entuziazëm mori pjesë në ditën e hapur të organizuar nga Rajoni i Ligurias për t’u vaksinuar me AstraZeneca.
Më 3 qershor, ajo shkoi në dhomën e urgjencës së spitalit Lavagna me dhimbje koke dhe fotofobi dhe u dërgua në shtëpi pas një skanimi negativ të CT.
Më 5 qershor ajo u kthye në dhomën e urgjencës së spitalit rajonal të Genova, San Martino, pasi ishte shumë e sëmurë dhe kishte vështirësi motorike. Menjëherë mjekët konstatuan një hemorragji cerebrale.
Camilla vdiq para dy ditësh, pasi i ishte nënshtruar një operacioni për të hequr mpiksjet e gjakut dhe për të ulur presionin brenda-kafkës, por kjo nuk ishte e mjaftueshme.
Mësohet se prindërit e vajzës kanë dhënë leje që organet e saj të hiqen dhe të dhurohen te personat, që kanë nevojë.
Prokurori Publik i Genovas, ka filluar një hetim për gjetjen e fakteve.
Ndërkohë, është tërhequr nga autoritetet sasia e vaksinave AstraZeneca, me të cilën u vaksinuan Camilla dhe një grua 34-vjeçare nga Savona, e cila ishte paraqitur në dhomën e urgjencës me një dhimbje koke të rëndë dhe u shtrua në spital. Ajo u operua për të hequr trombin abdominal dhe është në reanimacion.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje