.png)
Të gjitha ato ndërtime që janë ngritur para më shumë se 50 vitesh do t’i nënshtrohen një procesi të hollësishëm të auditimit Teknik nga ministria e Infrastrukturës dhe Energjisë për të parë nëse ato plotësojnë kërkesat e rezistencës dhe sigurisë.
Në një projektvendim të qeverisë siguruar nga disa media, thuhet se pas këtij kontrolli, do të vendoset nëse do të duhet të ndërhyhet në to për rikonstruksion apo do të shemben.
Kreu i Partisë së Lirisë Ilir Meta tha se ky është një draft përmes të cilit Rama po synon të grabisë pronat shqiptarëve.
“Duke përdorur gjoja si shkak tërmeti, Rama kërkon t’u grabisë qytetarëve të Tiranës, banesat e tyre. Vendimi pretendon se gjoja godinat 50 vjeçare do të auditohen teknikisht dhe nëse janë të pabanueshme do të prishen.
Janë vënë në shënjestër pronat që ndodhen në qendër të Tiranës, sepse ndërtimet në këto zona sigurojnë fitime marramendëse, ku pastrimi i parave të korrupsionit të kryhet pa asnjë pengesë. Sulm brutal mbi qytetarët dhe pronat e tyre…”, tha ai
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje