.png)
Sulmuesi i Kombëtares, Armando Broja, ishte protagonist në javën e 31-të të kampionatit holandez. Ai shënoi golin e parë në fitoren 2-1 ndaj Zvolles, ndërsa një gol tjetër iu anulua nga VAR-i në fillim të pjesës së dytë.
⚽️ Armando Broja #vitzwo pic.twitter.com/BP6x88tWFx
— Football Albanais (@FutbolliShqipFR) May 1, 2021
Broja shënoi në minutën e 27-të, pasi mori një pasim të saktë dhe i shpëtoi mbulimit të mbrojtësit kundërshtar me një sprint të fuqishëm. Përballë portierit ai nuk gaboi dhe Vitese kaloi në avantazh. Sapo nisi pjesë e dytë, sulmuesi kuqezi shënoi golin e dytë për skuadrën e tij, duke e shtyrë topin në rrjetë nga shumë afër portës, por ky gol u anulua nga VAR-i. Zvolle barazoi shifrat më pas dhe vetëm në minutën e dytë shtesë Viteshe realizoi golin e fitores.
Le ⚽️ refusé Armando Broja (X2) #vitzwo pic.twitter.com/S8Ere0W7c2
— Football Albanais (@FutbolliShqipFR) May 1, 2021
Ky gol ishte i 10-i për Armando Brojën në kampionatin holandez. Një numër i konsiderueshëm golash për lojtarin e huazuar nga Çelsi në Holandë dhe duket se ky “stazh” po i vlen atij. Viteshe mban vendin e katërt në kampionat, me 60 pikë në 31 ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje