.png)
Suedia e Zllatan Ibrahimoviç ka marrë një fitore të lehtë 0-3 në stadiumin “Fadil Vokrri” ndaj Kosovës, që e nis kështu me humbje fushatën eliminatore të “Katar 2022”. Pa kapiteni Rrahmani, skuadra e trajnerit Shaland e pati të vështirë të përballonte suedezët.
Augustinson shënoi me portën e boshatisur, pasi Ibrahimoviç nxorri jashtë loje portierin Ujkani me një lëvizje nga të tijat. Isak dyfishoi shifrat për Suedinë 10 minuta para mbylljes së pjesës së parë, duke u dhënë një goditje të fortë dardanëve. Në pjesën e dytë Larson shënoi edhe golin e tretë me penallti për miqtë.
Trajneri Shaland bëri disa lëvizje nga stoli, por Kosova nuk mundi të gjente as golin e nderit në këtë ndeshje. Bernard Berisha, i aktivizuar në fundin e ndeshjes, u ndëshkua dy herë me karton të verdhë dhe rrjedhimisht me të kuq.
Një ndeshje për t’u harruar për Kosovën, që ka në grup Spanjën, Greqinë dhe Gjeorgjinë. Grupin B e udhëheq Suedia me 2 fitore në po kaq ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje