.png)
Borusia Dormund është skuadra e parë çerekfinaliste e Ligës së Kampionëve. Skuadra gjermane ka barazuar 2-2 në shtëpi, por është kualifikuar falë fitores 2-3 në fushën e Seviljes në ndeshjen e parë. Vendimtar ishte sërish sulmuesi Haland, autor i të dy golave për Borusian.
Edhe pse nuk i ka mbushur ende 21 vjeç, Erling Braut Haland është tashmë mes bomberëve më të mirë të botës dhe vazhdon të regjistrojë rekorde. Norvegjezi, me dopietën ndaj Seviljes, ka hyrë në historinë e Championsit, pasi është lojtari më i ri në moshë që shënon 20 gola dhe e ka bërë këtë në 14 ndeshje.
Haland ka thyer rekordin e Herri Kejn të Totenhemit, i cili i kishte shënuar 20 gola në 24 ndeshje të kompeticionit më të madh në rang klubesh. Norvegjezi shënoi për Borusian në minutën e 35-të, shënoi po ashtu edhe në të 48-ën, por goli u anulua nga VAR-i për një faull. Më pas ai shënoi me penallti, të cilën e gjuajti dy herë.
Herën e parë Bonou e priti gjuajtjen e tij, por Haland pati një tjetër mundësi, sepse VAR-i konstatoi se portieri i Seviljes kishte lëvizur para kohe. Gjuajtja e dytë ishte e saktë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje