.png)
Pas një finaleje të mbushur me emocione, trofeu i kampionëve të Italisë për të rinj i ka takuar Empolit, që ka mundur 5-3 Atalantën. Një trofe, që Empoli e fiton pas 22 vitesh dhe që ka edhe kontributin e dy futbollistëve shqiptarë: Kristjan Asllanit dhe Kleis Bozhanajt.
Atalanta ishte favorite në finale, por fitorja ishte e merituar për skuadrën toskane. Empoli kaloi në avantazh me golin e Asllanit. Mesfushori shqiptar ekzekutoi fort një goditje dënimi jashtë zonës dhe tundi rrjetën. Atalanta barazoi shpejt, megjithatë Empoli mbajti ritmin e lartë dhe realizoi 2 gola në fundin e pjesës së parë, si dhe dy të tjerë në të dytën. Ndeshja pati edhe tension, ku dy lojtarë të Atalantës dhe një i Empolit u ndëshkuan me karton të kuq.
Asllani ishte titullar në këtë ndeshje dhe qëndroi 90 minuta në fushë, kurse Bozhanaj u aktivizua në kohën shtesë. Ky trofe i fituar në stadiumin e Sasuolos është shumë i rëndësishëm për dy lojtarët shqiptarë, kreditet e të cilëve rriten rrjedhimisht. Në një të ardhme të afërt ata mund të jenë të rëndësishëm edhe me fanellën kuqezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje