.png)
Gazeta Si – Dy vëllezër janë arrestuar këtë të premte, pasi vodhën nën kërcënimi e armës xhiron ditore të një pike karburanti në Shënkoll të Lezhës.
Pas vjedhjes, dy autorët e dyshuar të ngjarjes u larguan me motoçikletë.
Si rezultat i operacionit policor të koduar “Ndjekja”, u arrestuan në flagrancë shtetasit D. L., 21 vjeç dhe M. L., 16 vjeç, (vëllezër) banues në Shënkoll, Lezhë.
Policia ka gjetur dhe sekuestruar armën e zjarrit kallashnikov, motoçikletën dhe veshjet, që dyshohet se janë përdorur për të kryer vjedhjen. Po ashtu, është sekuestruar një sasi lënde e dyshuar narkotike kanabis, të cilat u gjetën në një shtëpi të braktisur.
Mesnatën e 22 shtatorit, vëllezërit kanë me motoçikletë në një karburant në Shënkoll dhe, nën kërcënimin e një arme zjarri kallashnikov, i kanë vjedhur shitësit xhiron ditore dhe aparatin celular.
Ata akuzohen për veprat penale “Vjedhja me armë”, “Mbajtja pa leje e armëve, armëve shpërthyese dhe i municionit” dhe “Prodhimi dhe shitja e lëndëve narkotike”, të kryera në bashkëpunim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje